بيتزا لذيذة

المقادير : 

3 كوب طحين أبيض ( فاخر ) + 3 ملاعق كبيرة حليب مجفف + 3 ملاعق كبيرة سكر + ملعقة صغيرة بيكنغ پاودر + ربع كوب زيت نباتية + ملعقة كبيرة خميرة فورية + 1 بيضة + كوب ماء دافيء أوأقل + نصف ملعقة صغيرة ملح

صلصة الطماطم + جبنة موزاريلا + زيت الزيتون 

الطريقة : نحط دقيق مع سكر وخميرة وبيكنغ پاودر وملح وباقي المكونات ونعجن بماء دافيء أو بالحليب السائل حتى نحصل على عجينة رخوة 

ندهن العجينة بالزيت ونخليها تتخمر تقريبا 40 دقيقة ثم 

نفرد ها ونحطها في صنية مدهونة 

نحط عليها صلصة الطماطم مطحونة و نرش جبنة موزاريلا مبشور وجبنة البرميزان ( اختياري ) وندهن جوانب العجينة بزيت الزيتون وندخلها الفرن وتقدم ساخنة .

تابع القراءة

بطبوط رائع معمر بالكفتة

مقادير العجين :

500غ من طحين القمح

250غ من طحين الفورص

ملح حسب الدوق

ملعقتان من السكر سنيدة

ملعقتان من الزيت

1خميرة الحلوى

ملعقة من خميرة الخبز

ماء دافئ 

الطريقة :

تحضر العجين بخلط جميع المواد المدكورة أعلاه بماء دافئ حتى نحصل على عجينة متماسكة. تدلك جيدا حتى تصير مطاطيية.

بعد دالك تعمل منها كويرات صغيرة وتدهن بالزيت الى حين تهيء الحشوة 

الحشوة :

كفتة، 2بصلات

3 طماطم محكوكة،2فلفلات

زيتون مقطع، ملعقة كبيرة طماطم مركزة

نص ملعقة كمون، ابزار، تحميرة، زعفران، لهريسة 

في مقلاة فوق النار،يحمر البصل وتضاف اليه الطماطم المحكوكة يخلط الكل جيدا حتى يتقللى .تضاف الكفتة والملح والإبزار والكمون والتحميرة ثم يخلط الكل ثم يرفع عن النار ويترك ليبرد.

تبسط الكويرات الواحدة تلو الأخرى فوق مائدة مزيتة ويوضع القليل من الحشوة مع بسطها جيدا ثم تجمع الحواشي الى الأعلى لسد الدائرة .تبسط قليلا وتطهى في مقلاة ثقيلة.ترش بالزيت من حين لآخر حتى تتحمر

بالصحة والراحة

تابع القراءة

طريقة عمل ميني بيتزا بالكفتة

مقادير العجينة

500غ دقيق ابيض انا عملت الاصفر

فرماجة

5 معالق زيت زيتون

معلقة صغبرة سكر

معلقة خميرة الخبز

الماء باش نجمعو لعجينة

مقادير الحشوة

كفتة

ربيع

فرما محكوك

توابل

كاس حليب

طريقة عمل ميني بيتزا بالكفتة بالصور

نجمعو المكونات بالماء ونخليوها تخمر

نسرحو لعجينة بالمدلك ونقطعوها بالقطاع او لكاس

نشحرو لكفتة مع زيت الزيتون والتوابل ملح وتحميرة وابزار سكينجبير

نضيف الربيع

نخلطو لفرماج محكوك مع كاس حليب

نطبف لفرماج محكوك والحليب الى خليط الكفتة

نوضعو لبيتزا في لطة مدهونة بالماء ماشي زيت

نتقبو لعجينة بفورشيط باش متنفخش

ندخلو لعجينة تطيب نصف طيبة

نخرجوها ونعمرها بالخليط تم رجعوها تكمل طيبها

واهي الميني بيتزات واجد بألف صحة وعافية

- See more at: http://maghribiyaat.blogspot.com/2014/07/blog-post_4472.html#sthash.lBWnCfs7.dpuf

تابع القراءة

مقادير مسيمنات خامرين و مورقين

مقادير مسيمنات خامرين و مورقين

2 زلايف حرش . زلافة فورص . بيضة . 2 م ك نيدو . م ك سنيدة . ملح . م ص خميرة الحلوى . ملعقة كبيرة خميرة الخبز و ماء دافي لجمع العجين 

كنخلطو كلشي و ندلكو العجينة مزيان و نغطيوها و نخليوها تخمر شي 30 د من بعد نقسموها لكويرات

للتوراق كنحتاجو لكمية من الزبدة تكون اكثر من الزيت تخلطو معاهم الفاني و شوية الخميرة د الحلوى

 و السميدة باش نرشو

كنسرحو الكويرة هاكدا رقيقة و نرشوها بالزبدة و السميدة و نطويوها على شكل مسمنة و ديما نرشو الزبدة و السميد باش يجي مورق

صافي غير نكملو الطويان و نكرصو و نبداو نخبزوهم بشوية الزيت

.

و بالصحة و الراحة

 

تابع القراءة

فطائر رمضانية مالحة

تطوى مثل المسمن على 4 وتعمل واحدة وسط اخرى

ونكرصوهم

ونعملو حشوة الفطائر الرمضانية المغربية المالحة 

كاشير محكوك
بيض مسلوق ومحكوك
الطون
وطرف فرماج مربع

تابع القراءة

طريقة تحضير البايلا المغربية

مقادير البايلا

250g من الكلمار + 250g من القمرون + 250g من الحوت الأبيض +

قطع من صدر الدجاج + زلافة الأرز + 1 فلفلة حمراء

وفلفة صفراء مقطعةقطع صغيرة + 3 حبات من الجزر

مقطعة قطع صغيرة +قليل من جلبانة + 2 طماطم محكوكة

 + معلقة كبيرة صلصة الطماطم + الملح

+ الابزر + سكنجبير

+ 1 كنور السمك مقسوم على أربعة + 2 وريقات سيدنا موسى

+ الزعفران الملون + + 1.5 لتر ماء مغلى مع قشور القمرون

ونصف كنورة سمك + زيت الزيتون والقليل من زيت المائدة.

طريقة تحضير البايلا المغربية 

في طنجرة الضغط نضع زيت المائدة + زيت الزيتون + ربع كنورة

+ البصل المفروم + الزعفران + الملح + الابزار + سكنجبير،

بعد أن يدبل البصل نضيف الفلفل ثم الجلبانة وقطع الدجاج

+ الكلمار+ الحوت الابيض + القمرون

ونحرك حتى تتشحر المكونات بعد ذلك نضيف وريقات سيدنا موسى

+ طماطم محكوكة + صلصة الطماطم والماء ونغلق الطنجرة.

نشحر الأرز في زيت مع ربع كنور المتبقي الملح والابزر ونحتفض به جانبا.

بعد أن تطهى الخضار تصفى ونحتفض بالمرق جانب.

نضيف الأرز على الخضار في مقلات كبيرة.

نسقيه بالمرق وندخلها إلى الفرن ليكمل الأرز نضجه

ويتبخر المرق. يزين الطبق بالقمرون

المشحر في الزيت.

تابع القراءة

طريقة تحضير السفة المدفونة بالدجاج و التفاية

طريقة تحضير السفة المدفونة بالدجاج و التفاية 

نرطبو شوية ديال الزبيب في الماء
نصلقو شوية لوز ونفسخوه ونقليوه نهرمشوه ولكن نخليو منو شي حبات صاينين للزواق
كنديرو الدجاج في الكوكوت وعليه الزيت( شوية رومية وشوية بلدية) بصلة مشلظة ملح بزار خرقوم سكينجبير شوية سمن درس توم محكوك الربيع ليبغيتوه مربط او مفروم نترك الكل يتشحر شوية من بعد نروي غير القياس لي يطيب الدجاج وباش تكون المريقة خاترة وواقفة من بعد نسدو على الدجاج يطيب
منين يطيب الدجاج نزولوه من الكوكوت ونخليوه يتسقطر تم نفرتتوه بحال الى باغيين نديرو بسطيلة
ناخدو بصلة نقطعوها على شكل هلالات ونديروها في كاسرونة ونضيفو ليها الزبيب بعد ما صفيناه من الماء +ملعقة من السمن+شويت الملح+سكين الجبير+لبزار+عود الديال القرفة كنخظو المرق من الكوكوت ونضيفوها لتفايا ديالنا كنخليو البصل حتايطيب عاد نضيفو ليه السكر ونتركه يتعسل ومنين نقربو نطفيو عليه نرميو راس الموس من الزبدة

 التفاية واجدة والدجاج مفرتت

نمرو للسفة الشعرية ندهنها بالزيت ونردوها تفور مزيان

من بعد ما فارت تقريبا شي نصف ساعة نخويو الكسكاس في القصرية ونسكب عليها الماء الطايب نحركها مزيان

ومنين تتشرب شوية الما الطايب وتكون دفات شوية نحيدو ليها الفائض من الماء ودلك بتصفيتها فشي شبكة متلا او في الكسكاس نفسه
تم نرجعها تفور الفورة التانية

ونفس العملية منين تفور نضعها في القصرية ونسكب عليها الماء الطايب غير القياس باش تا الشعرية تشربو

والى بقا شي فائض نصفيوها وتكون دافية منخليوهاش تتبرد ونعمل لها شوية ملح وشي 2 معالق كبار عامرين زبدة والجديد كدلك في هاد السفة اننا كنرشو عليها واحد معلقة كبيرة زهر وسنيدة القياس لي غيحليها تم نحلوها بايدينا

تم نرجعوها تفور مزيان للمرة التالتة والاخيرة نتمنى نكون شرحت مزيان وشرحي يفهموه حتى المبتدئات
منين نبغيو نقدموها كنقلبو الشعرية في القصرية ونعاودونديرو ليها شوية زبدة في وسط الشعرية باش تدوب مع السخونية ونغطيوها بشي منديل حياتي شي 5 دقائق تم نحلوها بايدينا بديك الزبدة لي كنا درنا فيها من بعد
ناخدو طبسيل الطاوس نضع فيه فرشة ديال السفة تم الدجاج المفرتت والتفاية مخلطين ونرشو باللوز المهرمش

ونغطي الكل بالشعرية ونزوقها بالسكر والقرفة واللوز المهرمش وكدلك اللوز الصحيح

تابع القراءة

طريقة تحضير بسطيلة السمك المغربية

المقادير

- كلغ لحم سمك ابيض
- 300 غ جمبري مقشر
- 300 غ كلمار مقطع مربعات
- بصلة كبيرة مفرومة
- فص ثوم مدقوق
- نصف ملعقة صغيرة فلفل ابيض
- نصف ملعقة فلفل احمر حار
- ملعقة صغيرة ملح
- 100 غ شعرية الارز(صينية)
- 2 ملاعق كبيرة قزبر طري مقطع
- 200 غ زبدة مذابة
- نصف كلغ ورقة بسطيلة بلدية[ورق الجلاش ]

للتزيين

- شرائح الحامض
- زيتون اسود
- جمبري غير مقشر محمر في مقلاة

طريقة التحضير

- في مقلاة يوضع الكلمار مقطع. الجمبري مقشر واربعة ملاعق كبيرة زبدة مذابة. 
يترك الكل يتقلى فوق نار قوية لمدة 5 دقائق ثم يفرغ في اناء.

- توضع البصلة مفرومة في المقلات ويضاف اليها الثوم . 
و 4 ملاغق كبيرة زبدة. يترك الكل يتقلى لمدة 10 دقائق على نار متوسطة 
ثم يضاف الى الجمبري والكلمار.

- يقطع لحم السمك الى مربعات توضع في مقلاة ويضاف اليها 5 ملاعق كبيرة زبدة 
لتترك تتقلى على نار قوية لمدة 5 دقائق ثم تضاف الى الجمبري الكلمار وباقي العناصر.

- يغلى لتر من الماء في اناء ثم توضع فيه الشعريةالصينية لمدة دقيقتين . 
يرفع الاناء من فوق النار . تصفى الشعرية وتقطع ثم تفرغ في الاناء مع باقي العناصر .

- يمزج السمك . فواكه البحر. الشعرية الصينية والبصل جيدا ثم تضاف اليهم التوابل والقزبر مقطع .

- في صينية مذهونة بالزبدة المذابة تفرش اوراق البسطيلة ثم تحشى بخليط السمك والشعرية .

- تطوى البسطيلة وتدهن جيدا بالزبدة وتدخل الفرن المسخن على درجة حرارة متوسطة حتى تتحمر.

عند التقديم 

تزين البسطيلة بشرائح الحامض والزيتون الاسود والجمبري المحمر .

بالهنا والعافيه

تابع القراءة